Banat ( Leaderboard Top ), pagematch: 1, sectionmatch: 1

Osmeña di interesado sa alert system

Dugang ni Cebu City Mayor Tomas Osmeña nga “desirable” ang maong pamaagi apan dili “necessary” tungod kay bisan og dunay total block out ug ang mga cell sites apektado giingong mahimo gihapon nga maka-communicate sa pipila ka lugar. Philstar.com/File

CEBU, Philippines - Gibutyag ni Cebu City Mayor Tomas Osmeña nga ang Manila-based company nga Contact Point nipresentar sa ilang proposal kalabot sa system software nga mao ang Text Messaging Alert System nga makatabang alang sa pagpakatap og mga impormasyon ilabi na kung dunay katalagman.

Apan matud sa mayor nga wala una niya kini gidawat sanglit gipangayoan man nila kini og lista sa mga dapit nga nigamit na sa maong system software.

Gumikan kay wala may nadawat nga lista ang mayor, kini niingon nga dili siya interesado.

Gihulagway ni Osmeña nga “interesting” ang proposal sa maong kompaniya apan mahal tungod kay magkinahanglan kini og pundo nga P10 milyones.

Tumong sa mayor sa pagpangayo og lista sa mga lugar sa kaulohan nga nigamit sa ilang sistema aron iyaha kining ma-evaluate kung maayo ba ang dagan niini.

Dugang ni Osmeña nga “desirable” ang maong pamaagi apan dili “necessary” tungod kay bisan og dunay total block out ug ang mga cell sites apektado giingong mahimo gihapon nga maka-communicate sa pipila ka lugar.

Giklaro usab niini nga wala na siya maghuwat pa sa maong kompaniya nga mohatag sa lista nga iyang gipangayo apan kini niasoy nga bukas gihapon siya sa ubang kompaniya nga dunay susamang proposal. (BANAT NEWS)

  • Follow Us: