Underpass sa south sugdan na
CEBU, Philippines - Sugdan na sa Department of Public Works and Highways-7 ang pag-ugmad sa underpass sa eskina N. Bacalso Avenue ug F. Llamas St., Siyudad sa Sugbo.
Atol sa stakeholders meeting kagahapon, nagkanayon si DPWH-7 Director Ador Canlas nga magpahigayon una sila og dry run sa trapiko karong Hunyo 7 sa maong lugar. Ang six-lane nga proyekto, diin two lanes niini mao ang underpass ug upat ang service lanes, mokantidad og P683.2 milyones nga gibahin sa unom ka hugna ug gibana-bana nga mahuman sulod sa 18 ka buwan.
Kung maayo ang panahon, matud ni Canlas nga hayan mas sayo pa mahuman ang proyekto.
Apektado ang nagkadaiyang rota sa jeepneys, bus, mini-bus ug pribadong sakyanan nga moagi gikan sa Siyudad sa Sugbo padulong ug gikan sa habagatan.
Tungod niini, gipahibawo sa mga opisyal sa DPWH-7 ang mga lider sa transportasyon kabahin sa rerouting scheme nga ipatuman atol sa implementasyon sa proyekto. (BANAT NEWS)
- Latest
