Centenarians nakadawat og tag P100 mil

CEBU, Philippines - Gihatagan og tag P100 mil sa Department of Social Welfare and Development-7 ang mga centenarian sa Central Visayas.

Mikabat sa 103 ka centenarians ang nahatagan og grasya diin 64 niini taga Cebu, 35 gikan sa  Bohol ug 4 sa Siquijor. Ang maong pagpanghatag, ubos sa Republic Act 10868 o Centenarians Act of 2016 diin ubos sa maong balaod, tanang Pilipino nga nag-edad og 100-anyos pataas hatagan sa maong kantidad ug Letter of Felicitation gikan sa presidente nga nag-congratulate sa centenarian nga nakaabot sa maong edad.

Giawhag ni DSWD-7 Director Ma. Evelyn Macapobre ang pamilya sa mga centenarian nga gamiton ang cash gift alang sa panginahanglan sa centenarian. (BANAT NEWS)