Bogo di pa ‘drug cleared’
CEBU, Philippines - Gitataw sa Cebu Provincial Anti-Drug Abuse Office (CPADAO) nga ang pagdeklarar sa Bogo City isip 'drug cleared', anaa lang kini sa municipal/city level ug wala pa kini moabot sa oversight committee.
Gipahibawo ni Ivy Durano-Meca, pangulo sa CPADAO nga ilang giila ang tinguha sa Bogo nga malimpyo ang ilang tanang barangay sa ginadiling drugas, apan ang 29 ka barangay niini subject pa sa validation sa oversight committee.
Ang oversight committee maoy gitahasan sa Dangerous Drugs Board nga adunay awtoridad nga makadeklarar sa usa ka barangay nga 'drug cleared'. Nasayran nga niadtong Biyernes, ang Bogo mideklarar nga drug cleared na apan si Meca nagkanayon nga ang 29 ka barangay wala’y certificate nga 'drug cleared'. Gani, 26 ka barangay lang ang nakakumpleto sa resikitos nga iendorso nila ngadto sa PDEA alang pag-assess kun aduna pa bay high value target sa maong mga barangay. (BANAT NEWS)
- Latest
