Suplay sa tubig balik na sa normal
CEBU, Philippines - Nibalik na ang normal nga suplay sa tubig niadtong mga konsumidor nga naapektuhan sulod sa duha ka adlaw diin apektado ang liboan ka mga konsumidor sa Metropolitan Cebu Water District (MCWD).
Matud pa ni Charmaine Rodriguez-Kara, ang tigpamaba sa MCWD nga nibalik na pagsuplay og tubig ang Cebu Manila Water District sa Carmen, Cebu ug ang Abejo Wells sa Talamban ug Consolacion sugod pag Mayo 26.
"Rest assured, all 3 interruptions already ended. However, due to the extent of the areas affected, recovery of the supply will still vary in the depending on the elevation of the customers' residence/establishment, distance from the sources and the demand in their areas during daytime," matud pa ni Kara kagahapong adlawa.
Sa nahinumduman, Abejo Wells (MCWD bulk water supplier) sa Cansaga, Consolacion wala nakaandar tungod sa electro-mechanical nga problema pag Mayo 26 sugod alas-8 sa buntag. Ang Abejo Wells sa Pit-os ug Talamban wala usab nakasuplay og tubig tungod usab sa electro-mechanical nga problema pag Mayo 24 sugod alas 5 sa hapon.
Samtang ubos usab ang produksiyon sa MCWD bulk water supply nga gikan sa Luyang River sa Carmen, Cebu tungod kay lubong kini human nakasinati og kusog nga uwan ang maong dapit pag Mayo 25 sugod sa alas 3 sa hapon. - /EIM) (BANAT NEWS)
- Latest
