Travel advisory sa Bohol gilibkas

CEBU, Philippines - Ang Ministry of Foreign Affairs of the Republic of Korea nakahukom nga libkason na ang special travel advisory sa pito ka barangay sa Bohol apan gibutang sa Blue Alert status (mag-amping) ang tibuok isla sa Bohol sugod pag Mayo 24, 2017.

Gawas sa isla sa Bohol, gipaubos usab sa samang alerto ang Lapu-Lapu City sa Sugbo, Subic ug Boracay.

Sa nahinumduman, ang Ministry of Foreign Affairs sa Republic of Korea, niluwat og special travel advisory alang sa pito ka lungsod (Inabanga, Clarin, Sagbayan, Danao, Buenavista, Tubigon, Carmen) sa Bohol diin ang  Philippine military ug police nagpahigayon og operasyon batok sa Abu Sayyaf.

 "Considering the Philippine military and police’s official announcement that the situation caused by the terrorist group’s infiltration of     the island ended, and judging that there are no unusual developments related to security in the areas, the Foreign      Ministry has decided to lift the special travel advisory for the areas and place them under the Blue Alert (Precautious) again," matud pa sa mensahe nga gipadala sa Consulate of the           Republic of Korea in  Cebu.

Ang  Ministry of Foreign Affairs niluwat usab og red alert status sa Region South sa Puerto Princesa, Palawan ug ingon man Special travel alert sa Island of Mindanao (walay labot sa Davao  ug Cagayan de Oro), Zamboanga, Basilan, Sulu ug Tawi-Tawi. (BANAT NEWS)