SK Elections mahinayon gyud

CEBU, Philippines - Mahinayon gyud ang piniliay sa Sangguniang Kabataan karong umaabot nga Oktubre sumala pa ni Asst. Sec Rhea Peñaflor, ang Commissioner for the Visayas sa National Youth Commission.

Matud niya, wala’y senador nga nibabag sa pagpahigayon sa maong piniliay. Tumong niini mao ang paghatag og higayon sa kabatan-onang partisipasyon sa tibuok nasod.

Gihangop usab niya ang dakong suporta ni Mayor Tomas Osmeña sa mga programa alang sa kabatan-unan dinhi sa Sugbo. Nagplano sila nga maghimo og Youth Organization Registration ug ang pagpahigayon og kombensyon sa mga kabatan-unan karong Hunyo.

Gusto usab sa mayor nga maghimo og youth hub nga mamahimong luwas nga katambayan sa mga kabataan apil niini ang one-stop-shop nga nagtanyag sa nagkadaiyang serbisyo sa mga batan-on.

Giimbitar usab ni Peñaflor ang kabataan sa Sugbo pagsalmot sa International Youth Day didto sa Iloilo karong Agosto.

Kun mahinayon gyud ang piniliay, giawhag ni Peñaflor nga pillion gyud ang tarong nga lider.

"Pumili ng tamang leaders na mga kabataan, its time for the youth to choose the right person and is responsible at may malasakit sa kapwa nila kabataan," matud pa niya. Gerlie N. Macalua (BANAT NEWS)