Mga sakop sa PCAC magtapok

CEBU, Philippines - Magtapok pagbalik ang mga sakop sa Police Coordinating and Advisory Council sa Dakbayan sa Sugbo nga gilangkuban sa nagkalain-laing law enforcement agencies diin ang nangulo mao si Bise Mayor Edgardo Labella.

Si Konsehal Dave Tumulak, chairman sa committee on public order and safety, niingon nga nagpadala kaniya og suwat si Labella nga nagpahibawo nga i-convene na niini ang PCAC karong Mayo 24, alas 9 sa buntag, sa buhatan sa bise mayor.

Tuyo niini nga madungog kung unsa ang mga program nga makatabang sa kahapsay sa siyudad.

 Gawas sa PCAC, duna pay laing grupo nga gitawag og Peace and Order Council ug ang grupo ni Konsehal Joel Garganera nga Police and Advisory Council.

 Dihang gipangutana si Tumulak kung dili ba kini magdoble, siya niingon  nga mas maayo nga usahon na lang aron mahan-ay og maayo ang mga plano.

 Matud ni Tumulak nga iya kining ipaabot ngadto kang Mayor Tomas Osmeña.

(BANAT NEWS)