TCPS gisuwaya’g suborno
CEBU, Philippines - Giangkon sa pangu sa kapulisan sa Syudad sa Talisay nga dunay nisuway pakig-areglo kanila aron buhian ang usa ka drug pusher nga nakuhaan og moabot sa 1 ka milyon ka pesos nga shabu.
Si Supt. Emerson Dante, miingon nga nisuway sa pakig-areglo ang mga kauban ni Cristan Cabucal alyas Istan, 32, taga Sitio Kamagong, Barangay Lahug, Siyudad sa Sugbu.
Matud pa nitanyag ang maong mga tawo og P100 mil. Si Dante nibutyag nga iyang gisakyan ug gipatas-an ang kantidad para ipa-areglo aron ilang himoan og entrapment operation.
Apan daw nakatimaho ang maong mga tawo ug wala na nipadayon og kontak kanila. Sigon pa niya nga lahi nga durugista ang amo sa dinakpan tungod sa ilang tinawganan nga “Big Boss.” Matud pa ni Dante nga kung sa Talisay pa kini “Kumander” ang tawag nila sa ilang mga bosing sa ginadiling drugas.
Dili pa makabutyag si Dante kun kinsa ning tawhana nga gitawag og Big Boss ni Cabucal. (BANAT NEWS)
- Latest
