Lalaki naghikog

CEBU, Philippines – Naputol ang giplanong bakasyon human usa ka 30-anyos nga lalaki nga giingong nakasinati og depresiyon ang naghikog sa balay niini sa San Miguel, Apas, Dakbayan sa Sugbo sa niaging Sabado sa buntag.

Ang lawas ni Jethruvine Dicdiquin Serana napalgang patay sa iyang igsoon nga si Psychejade alas 7:30 sa buntag sulod sa kwarto niini dihang aron unta molarga na sa Pandanon Island sa Bohol.

Tungod kay wala nitubag si Serana, nahibulong si Psychejade ug iya dayon gipugos og abli ang pultahan sa kwarto ug nakurat siya sa iyang nakita nga nagbitay na ang lawas sa iyang igsoon gamit ang leather belt nga gihigot sa liog. /GMR (BANAT NEWS)