Banat ( Leaderboard Top ), pagematch: 1, sectionmatch: 1

Kongreso mipasidungog kang Bobby Aboitiz

CEBU, Philippines - Gipasidunggan sa kongreso si Roberto “Bobby” Aboitiz diin ang napulo ka kongresista sa Sugbo maoy nangamahan sa House Resolution 54 nga giaprubahan sa House of Representatives niadtong Mayo 9.

Giasoy sa maong resulosyon nga gipakita ni Aboitiz ang mga maayong gawi sa usa ka tawo, pagserbisyo niini ngadto sa katawhan ug sa komunidad ingon man sa tibuok nasud. Mitaliwan kini niadtong Abril 13 sa edad nga 67.

Si Aboitiz ni-asumir sa liderato sa Ramon Aboitiz Foundation Inc. niadtong tuig 1986 isip chairman of the board ug president. Siya usab ang co-chairman sa Metro Cebu Development and Coordinating Board.

Siya nailhan isip usa ka visionary ug ang iyang “bugsay” leadership diin nagpasabot kini sa iyang pilosopiya sa liderato nga matag tawo responsible ug determinado sa iyang tinguha aron makamugna og positibong kausaban sa komunidad.

Si Aboitiz giila sab sa Forbes Magazine niadtong 2016, isip “Philippines’ biggest giver” tungod sa iyang kontribusyon nga mikabat og P800 milyones ubos sa ilang corporate social responsibility ug social development programs.

Giila usab siya isip usa ka lider sa patigayon ug social development. (BANAT NEWS)

  • Follow Us: