Banat ( Leaderboard Top ), pagematch: 1, sectionmatch: 1

Parks and playground gihimong istambayanan ug labayanan

CEBU, Philippines - Dili na mga bata kon dili mga manag-uyab na ang makita sa parks and playground sa Barangay Poblacion sa Dakbayan sa Talisay.

Napasagdan na ang maong lugar ingon man aduna’y istraktura nga nagbarog sa tunga sa maong duwaanan nga wala mahuman.

Ang maong istraktura maoy paboritong lugar sa manag-uyab kay gawas nga ngitngit panahon sa kagabhion, makatago pa sila aron ilang mabuhat ang ilang gusto.

Gani nabantayan sab nga gihimong labayanan og basura ang kilid sa duwaanan sa mga bata.

Si Konsehal Valeriano Ylanan kinsa mao ang chairman sa committee on parks and playground, mipadayag nga iyang paningkamutan nga mabalik ang kasadya sa lugar. Magpatabang siya kang Mayor Eduardo Gullas alang sa maong katuyuan aron mabalik ang kanindot sa lugar ug luwas alang sa mga bata.

Lakip nga ihangyo sa konsehal ngadto sa mayor mao ang lugar alang usab sa mga senior citizen. (BANAT NEWS)

  • Follow Us: