Banat ( Leaderboard Top ), pagematch: 1, sectionmatch: 1

Davide mutambong sa congressional inquiry

CEBU, Philippines - Gipatawag sa kongreso ang gobernador sa Lalawigan sa Sugbo aron patubagon kun nganong gipahubo ang mga priso sa provincial jail dihang adunay gihimo nga greyhound operation.

Gibutyag ni Gobernador Hilario Davide III nga kagahapong adlawa, nakadawat siya og summon gikan sa House Committee on Justice aron patambungon sa congressional inquiry karong Mayo 23 kabahin sa kontrobersiya sa Cebu Provincial Detention and Rehabilitation Center diin gipahubo ang mga piniriso atol sa raid nga gihimo sa Philippine Drugs Enforcement Agency.

“I will be there and I will tell the truth,” matud pa ni Davide. Dugang niini nga ang iyang mga tubag magdepende ra sa mga pangutana sa maong komitiba.

Ang maong inquiry gi-proposed ni Cebu Third District Representative Gwendolyn Garcia atol sa iyang privilege speech didto sa Kongreso niadtong Marso.

Nasayran nga pagdiskurso ni Garcia, iyang gi-quote ang gisulti sa Amnesty International nga “cruel, inhuman and degrading treatment of prisoners” kabahin sa maong raid nga gihimo sa CPDRC.

“Andam ko nga moatubang aning iyang gipatawag nga inquiry. Uhaw ra ni si Garcia sa grandstanding. I know she intends to humiliate and demean me there. But I will use the platform to advance the interest of the Cebuanos,” matud pa ni Davide sa iyang pamahayag niadtong Marso.

Matud pa ni Garcia nga ang CPDRC ubos sa pagdumala ni Davide nahimo na kining “fodder for bad press, from epic jail to epic fail.”

Gawas ni Davide, mutambong usab sa maong inquiry ang director sa PDEA-7 nga si Yogi Ruiz ug uban pang opisyal sa kapolisan sa Police Regional Office-7. (BANAT NEWS)

  • Follow Us: