Banat ( Leaderboard Top ), pagematch: 1, sectionmatch: 1

Gipatay sa adik nga bayaw

CEBU, Philippines - Lalaki patay human dunggaba sa iyang bayaw nga giingong sabog sa drugas sa Sitio Crossing, Barangay Balud sa Lungsod sa San Fernando.

Ang namatay giila sa otoridad nga si William Son Angga samtang ang suspek mao si Nizalde Plarizan Jr.

Asoy pa ni PO1 Erwin Oyao sa San Fernando Police Station nga sabog sa drugas nga gisulong ni Plarizan ang igsuon niini nga si Mabeth Angga, asawa sa biktima ug gipasanginlan nga maoy nagsige og text sa tomboy nga uyab sa kapuyo niini. Ang maong pasangil gihimakak ni Mabeth kay matud pa wala siya’y selpon.

Apan giingong wala motuo ang suspek ug gibunalan ug gisumbag niya ang iyang manghud.

Si William nga nakakita, nisuway og uwang sa duha apan gidunggab na siya sa iyang bayaw ug nakaangkon siya og samad dinunggaban sa walang bahin sa iyang tiyan.

Gidala pa kini sa tambalanan apan gideklarar nga dead on arrival samtang nakasibat ang suspek kinsa gipangita na karon sa kapolisan.

Dugang ni PO1 Oyao nga bag-o lang naabot sa San Fernando si Plarizan uban sa iyang pamilya gikan sa Manila. Iyang pangagpas nga posibleng  nalambigit kini sa ilegal nga drugas didto sa kaulohan maong mibalik sa Sugbo. (BANAT NEWS)

  • Follow Us: