Banat ( Leaderboard Top ), pagematch: 1, sectionmatch: 1

Road widening nalangan sukad pa 2009

CEBU, Philippines - Road widening sa national highway gikan sa Tayud, Consolacion padung Liloan nalangay tungod sa kadugay sa assessment sa presyo sa mga luna nga maapektahan sa proyekto.

Ang mayor sa lungsod sa Liloan Mayor Christina Garcia Frasco nagkanayon nga iyang nahibaw-an nga ang road widening gisuspenso tungod sa kalangay sa assessment values sa Cebu Provincial Assessor.

Ang Department of Public Works and Highways dili makapadayon sa proyekto hangtud nga dili mabayran ang mga balay nga maigo niini.

Gipadayag ni Garcia atol sa Convergence of Mega Cebu Leaders kagahapong adlawa nga siya nanghinaot nga mahuman na ang assessment values aron malibkas na ang maong suspensiyon aron mapadayon na ang maong proyekto.

Si Bise Gobernador Agnes Magpale sa iyang bahin nagkanayon nga iyang sutaon sa Provincial Assessor’s Office unsay gikinahanglan aron mapangitaan kini og kasulbaran.

Ang Tayud, Consolacion-Liloan road widening project nahunong sukad pa niadtong tuig 2009.

Ang maong dalan nagkonektar sa P2.2 bilyones nga Cansaga Bay Bridge, nga adunay four lanes ug gi-inagurahan ni kanhi presidente Gloria Arroyo niadtong  2010. (BANAT NEWS)

  • Follow Us: