Banat ( Leaderboard Top ), pagematch: 1, sectionmatch: 1

Dino: LRT di anti-poor

CEBU, Philippines - Si Presidential Assistant for the Visayas Michael Lloyd Dino nagkanayon nga kinahanglan na gyud nga adunay mass transport system nga makatabang pagsulbad sa traffic sa Metro Cebu.

Apan nasagmuyo si Dino sa pamahayag sa usa ka opisyal sa siyudad sa Sugbo nga ang Light Rail Transit kay usa kini ka “anti-poor” nga proyekto.

“There is this somebody who said that LRT is anti-poor. I will not accept that. Such statement is anti-Cebuanos. LRT is not anti-poor,” matud pa ni Dino nga wala lang niya gihinganlan ang pangalan niini.

Apan sa nahinum-duman, si Cebu City Mayor Tomas Osmeña hugtanong nipadayag nga supak siya sa LRT kay usa kini ka anti-poor nga proyekto. Si Dino ug Osmeña dili ni maayo ilang buot sa usa’g-usa. “The LRT is going to happen in Cebu under the administration of President Duterte,” matud pa ni Dino atol sa gipahigayon nga Convergence of Mega Cebu Leaders kagahapong adlawa.

Dugang pa ni Dino nga ang P50 bilyones nga Metro Cebu Expressway apil na kini sa #BuildBuildBuild sa administrasyong Duterte nga humanon gyud sud sa termino sa presidente.

Ang maong proyekto maoy labing daku nga proyekto sa Cebu diin sugdan na kini sunod tuig.

Sa laing bahin, si Archbishop Jose Palma sa Archdiocese of Cebu malaumon nga mahatagan og desente nga panginabuhian ug kabutangan ang maapektahan sa Bus Rail Transit. Matud pa sa arsobispo, ang maong pagpamutol ug pagbalhin sa mga kahoy parte sa programa sa kalamboan malaumon siyang ang panguhaon ibalhin gyud og laing lugar.

Malaumon si Palma, kung adunay maapektahan sa programa sa BRT kinahanglan usab adunay pangitaan og desenteng kapuy-an aron sila mabuhi nga adunay dignidad. Mitchelle Palaubsanon ug Rowena D. Capistrano (BANAT NEWS)

  • Follow Us: