Banat ( Leaderboard Top ), pagematch: 1, sectionmatch: 1

Computerization himoon pagmenos sa kurapsiyon

Ang chairman sa committee on Information and Technology sa konseho nga si Konsehal Valeriano Ylanan nagkanayon nga angay na nga mo-upgrade ang siyudad og sistema alang sa mga transaksiyon niini sa city hall, sama sa ubang mga siyudad o lungsod nga migamit na computerization. Philstar.com/File

CEBU, Philippines - Gitinguha karon sa kagamhanan sa Siyudad sa Talisay nga ma-computerize na ang tanang transaksiyon sa Talisay City Hall.

Ang chairman sa committee on Information and Technology sa konseho nga si Konsehal Valeriano Ylanan nagkanayon nga angay na nga mo-upgrade ang siyudad og sistema alang sa mga transaksiyon niini sa city hall, sama sa ubang mga siyudad o lungsod nga migamit na computerization.

Nakita ni Ylanan nga daku kaayo og tabang sa gobiyerno lakip na sa katawhan ang computerization kay paspas na kini ug menus pa ang kurapsiyon nga mahitabo.

Asoy pa niya nga motaas gyud ang koleksiyon sa buhis kay makita naman dayon kun kinsa ang wala makabayad, pagtultol sa resibo ug uban pa.

Dugang sa konsehal nga mapitol na unya ang mga kurap sa bisan asang buhatan.

Subay niini, paningkamotan ni Ylanan nga magahinan ang maong plano og budget sunod tuig nga moabot ngadto sa P30 milyones. (Gabriel C. Bonjoc/DILT)

Accreditation sa ihawan sa Talisay gilugwayan

Gihatagan og lugway sa National Meat Inspection Services (NMIS) ang kagamhanan sa Siyudad sa Talisay aron sa paglihok sa pag-renew sa double A accreditation sa ilahang ihawan.

Gipahibawo ni Konsehal Manuel Cabriana, chairman sa committee on slaughter house nga niadto pang Mayo 15 napupos ang ilang accreditation apan gihatagan sila og higayon sa NMIS nga mabuhat ang ilang mga kuwang sa pag-renew.

Giingong sa pagsusi sa taga NMIS sa ihawan, ilang nakita ang mga buak nga tiles, naguba nga mga lock ug uban pang ginagmay nga ayuhonon sa maong pasilidad.

Matud ni Cabriana, ila dayong giatiman ang gipahimo sa taga NMIS ug siya malaumon nga subling mahatagan ang ihawan og double A accreditation.

Samtang nagpaabot sa sunod inspeksiyon, nagpadayon ang operasyon sa maong ihawan kun diin aduna kini kita nga P1.8 ngadto sa P2 milyones matag buwan. (BANAT NEWS)

  • Follow Us: