Palma: Brgy-SK Elections kinahanglang madayon

CEBU, Philippines - Cebu Archbishop Jose Palma sa Archdiocese of Cebu dili pabor nga isibog ang Barangay ug Sangguniang Kabataan election karong buwan sa Oktobre.

Matud pa sa arsobispo siguro adunay rason ang katawhan pero kung siya ang pangutan-on dili siya pabor nga isibog ang maong kalihukan kay walay kongkreto nga rason nga gihatag aron kini isibog. Ang maong pamahayag sa Arsobispo giluwatan niini atol sa interview sa mga tigbalita human sa Santos nga Misa niini subay sa ika 25th Anniversary sa Cebu Citizens Involvement and Maturation for People Empowerment and Liberation (C-Cimpel). Matud niya mahinungdanon ang piniliay tungod kay nagpakita kini sa kagawasan sa katawhan nga mopili kun kinsa mamuno kanila. (BANAT NEWS)