Banat ( Leaderboard Top ), pagematch: 1, sectionmatch: 1

8 pushers, 3 nagsuyop sikop

CEBU, Philippines - Nadakpan sa buy-bust operation sa kapolisan sa Dakbayan sa Lapu-Lapu ang lima ka gikatahapang pushers og shabu nga naglakip sa usa ka babaye sa Matumbo, Barangay Pusok sa niaging gabii.

Si Chief Inspector Jaime Tolentino niila sa mga nadakpan nga sila si Benjie Dolan Astilla alyas Kokoy, 41, taga Saac, Buaya; Leonardo Librando Bulas alyas Jong-Jong, 42; Ruben Bragat Obayan alyas Jun-Jun, 30; Shiela Booc Aliviado, 29, pulos taga Matumbo; ug Rodel Requizo Berdon, 27, taga Babag.

Nasakmit gikan sa mga dinakpan ang 55 ka gagmay nga pakete sa shabu nga balor og P83,072.

Samtang tulo sab ka pushers ang nasikop sa kapolisan sa Maslog, Dakbayan sa Danao sa niaging adlaw.

Ang dinakpan mao sila si Vervena Mayol, 35; Analiah Tonio, 34; Albert Bongo, 38, ug Giovani Gala, 38, pulos molupyo sa Barangay Maslog, ug nasakmit gikan kanila ang  47 ka gagmay nga pakete sa shabu.

Nadakpan sab nga nagsuyop og shabu sila si Danilo Dula, 31; Warren Cadampog, 28; ug Lier Castro, 22, atol sa maong operasyon sa kapolisan.

Si Dula ug Castro taga Barangay Magay, Compostela ug si Cadampog taga Lungsod sa Consolacion. Romeo T. Limpangog ug Hazel Secop ug Rhena E. Pizarra (BANAT NEWS)

  • Follow Us: