Banat ( Leaderboard Top ), pagematch: 1, sectionmatch: 1

Hepe sa Talisay magpabilin

CEBU, Philippines -  Wala’y plano si Talisay City Mayor Eduardo Gullas nga hulipan ang hepe sa kapolisan nga si Supt. Emerson Dante gumikan sa pagkasikop sa iyang kaalyado  nga kapitan niadtong Domingo.

Si Gullas niingon nga nagpabilin ang iyang pagsalig ni Dante.

Si Lagtang Barangay Kapitan Mark Ferdinand Bas ang nasikop sa mga sakop sa Provincial Intelligence Branch (PIB) pinasikad sa search warrant ug nakuhaan og armas ingon man granada.

Si Dante unang nibutyag nga aduna’y mga opisyal sa Talisay ang nitawag kaniya aron mahilot ang operasyon sa PIB apan iyang gibalibaran.

Si Bas ang anak ni Konsehal Arturo Bas sa siyudad nga kaalyado ni Gullas sa Partido Alayon.  Si Gullas nitataw nga iya na lang gitugyan ang kaso sa kapitan ngadto sa korte.

Samtang si Dante nipadayag sa iyang pasalamat sa mayor sa pagsalig nga gihatag niini.

Asoy pa niya nga ang pagdasig sa mayor diha kaniya makapadasig sab sa iyang mga sakop apan sa iyang bahin padayon lang siya nga motrabaho.

Samtang pipila ka hepe sa Probinsya sa Sugbo ang ilahugay na sab sugod sunod   semana.

Kini ang gitug-an ni Supt. Jaime Quicho Jr, pangulo sa Police Community Relation sa Cebu Provincial Police Office nga nahinabi sa Banat News.

Matud ni Quicho nga nagpadayon sila karon sa pag-evaluate sa performance sa mga hepe.

Dugang ni Quicho nga kadtong mga hepe nga magtinapulan mahulipan gyud sa katungdanan. Gabriel C. Bonjoc ug Rowena D. Capistrano (BANAT NEWS)

  • Follow Us: