Banat ( Leaderboard Top ), pagematch: 1, sectionmatch: 1

Guardo mahimo rang momulta

CEBU, Philippines - Nagtuo si Cebu City Mayor Tomas Osmeña nga sa dili madugay mahimo nang majority bloc ang Bando Osmeña Pundok Kauswagan (BOPK) sa konseho sa siyudad human nga ang suspensiyon ni Konsehal Jerry Guardo nahimo na lang nga multa.

Nasayran ang Office of the Ombudsman-Visayas midesisyon sa Motion for Reconsideration or Clarification nga gisang-at sa suspendidong konsehal human gipatuman ang suspension order. Sa order nga pinetsahan og Marso 24, ang Ombudsman midesisyon nga ang suspension ni Guardo mahimo na lang sa multa diin bayaran niini ang tulo ka buwan sa pila’y sweldo niya sa pagka-barangay kapitan sa Sambag 1.

Tungod kay ang kaso ni Guardo nga simple neglect of duty nahitabo man dihang kapitan pa kini sa barangay.

Kahinumduman nga ang Department of Interior and Local Government maoy niimplementar sa suspensiyon order ni Guardo kay matud pa mahimo gihapon kining ipatuman sanglit aktibo pa man sa serbisyo ang konsehal.

Ang maong kaso maoy rason ni Guardo pagtapon sa BOPK gikan sa Team Rama kay matud pa ang iyang mga kaalyado sa Team Rama wala motabang kaniya sa maong kaso.

Nalipay si Guardo nga mahimo rang bayaran ang iyahang suspensiyon, siya miila usab sa gihimo ni Vice Mayor Edgardo Labella kinsa usa sa mga nangayo og katin-awan sa maong buhatan kalabot sa iyang kaso pinaagi sa suwat. Samtang gipaabot nga kun mabalik na sa serbisyo si Guardo hayan hatagan kini og deputation ni Osmeña sa sports ug infrastructure. (BANAT NEWS)

  • Follow Us: