Banat ( Leaderboard Top ), pagematch: 1, sectionmatch: 1

Awto nalukot, drayber patay

CEBU, Philippines -  Usa ka 57-anyos nga lalaki ang nakalas human  nabangga ang iyang awto sa 10-wheeler truck nga nagkarga og sinakong mga semento diha sa National Highway sa Poblacion, Minglanilla Cebu kagahapon sa kaadlawon.

Ang nakalas naila nga si Orencio Taraya, 57, taga Barangay Tungkop Minglanilla nga nagmaneho sa Toyota Vios nga dunay Plate number YGX-258.

Samtang ang driver sa trak  mao si Alvin Samino, 33,  taga Salinas Drive, sa Barangay Lahug, sa Dakbayan sa Sugbo.

Matud pa ni Police Chief Inspector Dexter Calacar, ang hepe sa Minglanilla Police Station, base sa ilang imbestigasyon padulong sa Dakbayan sa Sugbo ang trak  samtang padung sa habagatan ang awto nga nag ekis-ekis ang dagan sa dalan ug naabot pikas lane.

Tungod sa kakusog sa pagbangga sama og lata nga nalukot ang awto ug nakaingon sa kamatayon ni Taraya.

Si Samino sa interbyu sa DyAB miingon nga nagekis-ikis ang awto ug kini maoy nibangga sa iyang trak. 

Iyang giklaro nga wala siya giduka atol sa hitabo ug napulo na siya ka tuig nga nagmaneho ug wala pa sukad siya nakasugat og aksidente tungod kay hinay gyud siya mopadagan.

Matud niya ni-brake pa siya pagkakita niya sa awto nga gilihayan sa nag-una nga trak apan kusog kaayo ang dagan niini padung sa iyang direksyon. Naglisud siya og likay kay bug-at ang iyang karga maong ni-brake na lang siya apan nisampak gihapon kaniya ang awto. Gabriel Bonjoc, Rowena Capistrano ug Mitchelle L. Palaubsanon (BANAT NEWS)

  • Follow Us: