Banat ( Leaderboard Top ), pagematch: 1, sectionmatch: 1

Osmeña: Rama pildi gyud sa kaugalingong presinto

CEBU, Philippines - Wala ra mabalaka si Cebu City Mayor Tomas Osmeña kalabot sa kamanduan   nga gipagawas sa Commission on Elections (COMELEC) sa pag-transport sa mga ballot boxes sa pilot-contested precincts ni kanhi mayor Michael Rama nga napildi sa milabay nga piniliay.

Niadtong miaging adlaw ang Comelec Second Division mipagawas og kamandoan sa Election Officers sa Cebu City ug sa City Treasurer’s Office nga mohimo og inventory ug pag-selyo sa ballot boxes sa 168 protested precincts sa election protest ni Rama diin gihatagan sila og  napulo ka adlaw sa paghimo niini.

Human sa sealing ang Cebu Provincial Election Supervisor mopahatud sa contested ballot boxes ngadto sa Comelec Philpost Warehouse sa Port Area sa Manila.

Ang mga presinto nga gikwestyon mao ang Barangay Ermita, Kamputhaw, Mabolo, Sambag 1, T. Padilla, Basak Pardo, Basak San Nicolas, Bulacao, Guadalupe, Inayawan, Calamba, Poblacion Pardo ug Punta Princesa.

Si Osmeña miingon nga gilauman na nila ang maong kamanduan sa Comelec apan iyang giangkon nga ang wala niya masabti kay matud pa si Rama miingon na sa mga tawo nga siya ang daog sa election protest bisan og wala pa ang recount.

Ang mayor miingon nga bisan pa man sa recount nga himoon si Rama pildi gihapon dili lang sa iyang kaugalingong presinto apan lakip na sa iyahang mga kaubanan sa Team Rama.

Si Rama miingon nga dili na siya mohatag og komento sa pamahayag ni Osmeña ug mas maayo nga masugdan na ang recount aron mahibaw-an.

Mahitungod usab sa pamahayag ni Osmeña nga pildi si Rama sa mga presinto sa iyang mga kaubanan kini maoy tubag sa kanhi mayor.

“Tingali apil na sa iyang tikas. Tingali apil na sa iyang ginganlan nato’g master and grand plan giunsa niya ug how atong tan-awon. Mao bitaw nang the most important thing is the recount mao na ingon nako, I was coming out always, pasalamat ta sa Comelec nga gi-move unsa may problema niya?” matud ni Rama. (BANAT NEWS)

  • Follow Us: