Banat ( Leaderboard Top ), pagematch: 1, sectionmatch: 1

P289M bugas gisakmit

Ang maong sinakong bugas gikan kini sa Vietnam ug nangabot kini pag Marso 1, 2, 7 ug 8 sa Cebu. Philstar.com/File

CEBU, Philippines -  Ang Bureau of Customs-Cebu misikop sa bugas nga gituohang smuggled rice nga nagkantidad og P289  Milyones.

Matud pa ni Verne Enciso, ang officer-in-charge sa Customs Intelligence and Investigation Services-Cebu nga ang maong bugas maoy sulod sa 289  ka mga container vans nga naa karon nahimutang sa Cebu International     Port.

Ang maong sinakong bugas gikan kini sa Vietnam ug nangabot kini pag Marso 1, 2, 7 ug 8 sa Cebu.

Si Enciso ni rekomendar ngadto kang BOC-Cebu district collector Elvira Cruz nga moisyu og Warrant of Seizure and Detention sa maong mga bugas kay wala kini import permits gikan sa National Food Authority.

Si NFA administrator Jason Aquino sa iyang notice ngadto sa tanang importers ug sa ilang authorized representatives nga ang arrival period sa rice importation ubos sa Minimum Access Volume rice importation program hangtud lang sa Pebrero 28, 2017.

Si Customs Commissioner Nicanor Faeldon sa iyang memorandum nagkanayon nga ang mga rice importations sakmiton gayud gawas lang og gikan kini sa Pakistan ug India nga gihatagan og hangtud Marso 31, 2017. (BANAT NEWS)

  • Follow Us: