Erwin mobalhin og laing network?

CEBU, Philippines - Niulbo karon ang tsika nga matud pa ni-resign na ang broadcaster nga si Erwin Tulfo isip co-anchor sa  primetime news program sa TV5 nga  Aksyon.

Nasayran nga dul-an na sa usa ka buwan nga wala molugwa si Erwin sa maong programa ug nag-inusara na lang niini si  Luchi Cruz-Valdes

Nakadawat og impormasyon ang pep.ph nga matud pa kutob na lang sa Hunyo ang pag-istar ni Erwin sa TV5 ug mobalhin na kini sa laing network.

Hinuon magpabilin gihapon siya sa iyang  programa sa Radyo Singko nga Punto Asintado matag buntag.

Duna’y mga tsismis nga nanggawas nga matud pa nahiubos pag-ayo si Erwin sa dihang natangtang ang iyang crew sa dihang  gipaubsan ang gidaghanon sa mga tawo sa news department sa TV5 kun diin pipila niini ang gipa-avail sa early retirement.

Sa pagsuwat niining balitaa, wala pa mohatag og statement si Erwin ug ang TV5 kalabot sa maong isyu.