Rider nabagok, tepok
MANILA, Philippines - Namatay habang nilalapatan ng lunas ang isang 29-anyos na motorcycle rider nang mabagok ang ulo nito nang bumagsak sa kalye matapos bumangga sa nakahintong tricycle sa intersection ng Teresa at Anonas Sts., sa Sta. Mesa, Maynila, noong Sabado ng madaling araw.
Ang nasawi ay kinilalang si Nicomedes Corong Y Pua Jr., residente ng 125 Alcoy St., panulukan ng Agham Road, Quezon City.
Sa ulat, bago naganap ang aksidente dakong alas-2:30 ng madaling araw sa harapan ng Polytechnic University of the Philippines (PUP) ay nasa full stop umano ang isang tricycle (NA 11760) na minamaneho ni Eduardo Gulila, 40, barangay tanod sa lugar nang mabangga ng Yamaha Mio (1835 HY) na minamaneho ng biktima.
Sa lakas ng pagkabangga ay tumilapon ang biktima at bumagok umano ang ulo nito habang ang angkas na si Jho Osorio ay nasaktan din.
Ang dalawa ay isinugod sa UERM Hospital at dakong alas-9:32 ng umaga nang ideklarang patay si Corong bunga ng pinsalang tinamo sa ulo.
- Latest