Banat ( Leaderboard Top ), pagematch: 1, sectionmatch: 1

Enforcers sa Talisay di papaltahon

CEBU, Philippines - Wala’y makapalta sa mga sakop sa City of Talisay-Traffic Operation Development Authority (CT-TODA) panahon nga sugdan na ang pag-ayo sa flyover sa Tabunok karong Marso 31.

Matud ni Almond Dela Peña, pangulo sa CT-TODA, nga kinahanglan gyud kaayo ang presensiya sa mga enforcers sa Tabunok tungod kay ilang gilauman ang huot sa mga sakyanan.

Iya na gihan-ay ang mga sakop kun asa sila dapita moplastada diin 22 ka enforcers ang ibutang sa Tabunok.

Lakip ang mga polis nga motabang sa matag eskina aron mapitol gyud ang mga badlungon nga drayber nga modugang sa kahinay sa dagan sa trapiko.

Si Dela Peña nagkanayon nga dili panahon karon nga mo-relax ang mga enforcers tungod kay daghan pa kaayo silang tulumanon nga angay nga tutukan bisan pa man og wala nay klase.

Aspaltohon ang karsada sa flyover sa Tabunok ingon man palig-onon tungod sa pagpangliki na niini. (BANAT NEWS)

  • Follow Us: