Faeldon ‘di raw papalitan sa Customs
MANILA, Philippines - Walang katotohanan na papalitan na si Bureau of Customs (BoC) Commissioner Nicanor Faeldon.
Ayon kay Presidential Spokesman Ernesto Abella, hindi totoo ang tsismis na may nilagdaang appointment paper si Executive Secretary Salvador Medialdea na nagtatalaga sa isang indibidwal bilang kapalit ni Faeldon sa BoC.
Ayon kay Abella, walang opisyal na pahayag ang tanggapan ni ES Medialdea na sumisibak kay Faeldon sa BoC at ang magiging kapalit daw nito ay isang “Victorino”.
May kumalat na text messages sa mga nakaraan na isang “Victorino” ang ipapalit umano kay Faeldon na ayon na rin sa pamunuan ng ahensiya ay disinformation lang sa harap ng maigting na pagsugpo sa korapsiyon sa BoC.
- Latest