Banat ( Leaderboard Top ), pagematch: 1, sectionmatch: 1

Babayeng magtutudlo nag-wild

CEBU, Philippines - Nangha gis ang usa ka magtutudlo sa publikong tunghaan sa Dakbayan sa Talisay atubangan sa Talisay City Police Station kagahapon sa buntag.

Ang babayeng magtutudlo nga gitago lang ang pangan nagpangedaron og 50-anyos nga taga Barangay San Isidro kinsa nikalit lang og abot sa Barangay Poblacion.

Mao nalay nabantayan ni PO1 Sydney Alisoso nga nisaka kini sa awto nga gipanag-iya sa ilang kauban.

Si Alisoso ang nibadlong niini aron mokanaug apan wala magpatuo ang maong magtutudlo kaniya.

Iyang gitawag ang uban niya nga kauban ug ilang gitabangan sa pagpakanaug.

Nagisi gyud ang plaka sa awto tungod sa kalangas sa maong babaye kinsa gisakay sa patrol car ug gihatud ni Alisoso sa pinuy-anan sa magtutudlo.

Giingong na-depress ang magtutudlo tungod kay wala naaprobahi ang iyang gi-apply nga loan.

Gawas pa sa maong hitabo, gireklamo na sab ang maong magtutudlo sa pipila ka ginikanan tungod kay adunay usa ka higayon nga kini nagsayaw-sayaw ug nagsul-ob og mugbo nga senina samtang nagklase.

Hinuon wala lang nireklamo ang tag-iya sa awto tungod sa iyang pagsabot sa kahimtang sa maong magtutudlo. (BANAT NEWS)

  • Follow Us: