Banat ( Leaderboard Top ), pagematch: 1, sectionmatch: 1

Pari nga miuban sa Tukhang makigtagbo kang Palma

CEBU, Philippines - Andam makigtagbo kang Cebu Archbishop Jose Palma ang kura paruko sa Santo Niño Parish sa Brgy Pasil ug Suba nga si Fr. Lamberto Paradiang Jr. kinsa niuban sa Oplan Tukhang, duha ka adlaw sa wala pa mopagawas sa iyang baruganan ang arsobispo nga dili mahimong moapil ang kaparian sa operasyon sa kapolisan.

Nahimong katarungan ni Paradiang kun nganong nikuyog siya sa tukhang mao nga nakita niya nga usa kini ka friendly invitation sa mga tawo nga nalambigit sa ilegal nga drugas ug dili kini bayolente nga paagi. Apan kun raid, lahi na sab ni nga istorya ug dili siya mouban niini. Nasayran nga sulod sa duha ka adlaw nga pag-apil ni Paradiang sa tukhang, dili mominos sa 50 ka tawo ang nitahan.

Gitug-an niini nga iyang girespetaran ang desisyon ni Palma kay iya kining labaw. Nunot niini, makigtagbo siya sa arsobispo aron makapadayag sa iyang kaugalingon ug magpakisayod kun unsay matabang niini sa mga lugar ubos sa iyang parokya. Daku ang pagtuo ni Paradiang nga kun adunay pari nga moapil sa tukhang, malikayan ang violent reaction.

Si Palma sa iyang bahin nibutyag nga magpabilin gihapon ang iyang baruganan, ilabi na daghan na ang nakalas tungod sa maong operasyon.

Dugang niini nga ang mga religious order adunay kaugalingong superior ug kun makita niya nga adunay problema sa maong kalihukan, andam siya makigdayolog niini.

Sumala pa ni Palma, andam siyang magpaabot sa higayon nga mobisita kaniya si Paradiang. (BANAT NEWS)

  • Follow Us: