Lalaki kinatay sa lamayan

LEGAZPI CITY, Albay, Philippines – Pinaniniwalaang napagtripang patayin ang 39-anyos na lalaki na nakikipaglamay sa kaibigang yumao matapos itong pagtatagain ng senglot na kapitbahay sa Purok 1, Barangay Bayombom sa Masbate City, Masbate kamakalawa ng madaling araw. Napuruhan sa ulo ang biktimang si Achilles Dequilla ng Purok 7 habang pinaghahanap naman ang suspek na si Alex Natural ng  nasabing barangay. Base sa police report na nakarating sa Camp Simeon Ola, nakikipaglamay si Dequilla sa namatay na kaibigan nang lapitan at pagtatagain ng senglot na suspek. Nagpulasan naman ang mga nakikipaglamay na residente kung saan sinamantala ng suspek na tumakas.