Misis tinigok ni mister

QUEZON, Philippines - Tinuluyang patayin ng 48-anyos na mister ang kanyang misis matapos nitong madiskubre na sinampahan siya ng kasong pananakit, kamakalawa ng hapon sa Barangay San Juan, bayan ng Tiaong, Quezon. Nagtamo ng mga saksak sa katawan ang biktimang si Celedonia Manalo, 50, habang pinaghahanap naman ang suspek na si Edgardo Manalo.? Sa ula na nakarating kay P/Chief Insp. Alvin Consolacion, chief of police sa nasabing bayan, nasa loob ng kanilang bahay ang mag-asawa nang sumiklab ang matinding pagtatalo kaugnay sa isinampang kaso ng misis laban sa mister. ? Ayon sa ulat, iginiit ng misis na nais lamang niyang matigil na ang pananakit sa kanya ng mister kaya inihabla niya ito.?Sa gitna ng pagtatalo ay kumuha ng patalim ang suspek at inundayan ng sunud-sunod na saksak ang misis hanggang sa mapatay saka tumakas.