Laing gwardiya namusil, usa patay usa pud angol
CEBU, Philippines - Dead on arrival sa Cebu City Medical Center (CCMC) ang usa ka laborer ug nalandig sa tambalanan ang iyang kauban human sila gipamusil sa ilang nakalalis nga guwardiya diha sa Arellano Street, Brgy.Tejero ning Dakbayan sa Sugbo pasado alas 10 sa nakalabay nga gabii. Ang namatay giila nga si Raul Simbajon, 49, taga Sitio Silangan, Tejero, samtang nadala sab sa tambalanan ang iyang kauban nga si Gerson Tumulak, 37, nga taga Villagonzalo I, Brgy. Tejero.
Samtang suspetsado sa kremin mao si Benvenido Macaraeg, 38, security guard nga sakop sa Pioneer Detective Security Agency nga nagpuyo sa Brgy. Apas.
Sa imbestigasyon sa mga sakop sa Homicide Section sa Cebu City Police Office nga gipangulohan ni Police Officer 3 Joje Magdadaro ug mga kaubanan nasayran nga ang duha ka mga biktima gikan mitambong og Christmas party sa ilang gitrabahoan nga kompanya sa maong dapit.
Matud pa nga nagsugod ang lalis dihang giingong gisipatan sa duha ang gwardiya nga nisangpot sa pagpamusil. Ang suspek daling misibat human sa hitabo samtang patay dihadiha si Simbajon ug nadala sa tambalanan si Tumulak. (BANAT NEWS)
- Latest
