Pagtrabaho sa tabunok market hinay
CEBU, Philippines - Mismo si Talisay City Mayor Eduardo Gullas ang nakamatikod sa kahinay sa trabaho sa pag-ayo sa merkado sa Tabunok.
Kini ang hinungdan nga iyang gipakigkitaan si Engr. Ricardo Tuanson, ang tag-iya sa Tuanson Construction, kuyog ni City Engineer Gamaliel Gam sa lugar.
Si Tuanson nipasalig nga ila gyud mahuman ang proyekto sa Abril imbis sa Hunyo sunod tuig nga gikalipay ni Gullas.
Gipasabot ni Tuanson nga ila gipahimutang og tarung ang mga manindahay sa wala pa sila magsugod sa pagguba sa karaang istraktura aron dili maapektuhan ang ilang negosyo.
Nunot niini si Gullas nikomedya kang Tuanson nga kung mahuman og sayo ang proyekto mohatag siya og premyo apan kun molapas sa target nga buwan, si Tuanson ang makahatag sa premyo. (BANAT NEWS)
- Latest
