Tining balik na sa serbisyo
CEBU, Philippines - Gibasura sa Office of the Ombudsman ang administrative case batok sa ex-officio provincial board member Celestino"Tining" Martinez III may kalabotan sa fertilizer scam niadtong tuig 2011.
Ang rason sa pagbasura mao ang kakulang og administrative jurisdiction sanglit dili na siya usa ka public official sa panahon nga siya gipasakaan og kaso.
Ang maong kaso kabahin sa anomalosong implimentasyon sa Farm Inputs and Farm Implements Program nga moabot ngadto sa P6 milyones niadtong tuig 2004.
Sa siyam ka pahina nga desisyon sa Ombudsman aprobado ni Conchita Carpio Morales niadtong Agosto 10, 2016, gibasura niini ang administrative case batok kang Martinez apan nakita nga guilty sa kaso ang treasurer sa Bogo City nga si Rhett Minguez. "The motion for reconsideration and/or reinvestigation dates January 15. 2016 is partially granter. The decision dated October 21, 2015 is affirmed with modifications that respondent Rhett E. Minguez is guilty of gross neglect of duty", pagbasa sa order sa Ombudsman.
Apan si Minguez mag-atubang sa silot nga dismissal sa serbisyo ug kanselasyon sa eligibility niini nga wala’y retirement benefits nga madawat ug perpetual disqualification nga maka-trabaho sa gobiyerno.
Si Martinez atol sa iyang privilege speech sa session sa provincial board niadtong Lunes misaysay kun unsay epekto sa desisyon sa Ombudsman niya ug sa iyang pamilya. "To my detractors and opponents ... sorry but I'm back," matud ni Martinez.
Si Martinez nahimo kining kapitan sa Brgy. Cayang sa Dakbayan sa Bogo ug siya napili nga presidente sa Association of Barangay Council (ABC) sa probinsya hinungdan nga nahimo siyang ex-officio board member.
Si Jerome Gonzales ang provincial director sa Department of Interior and Local Government (DILG) nagkanayon nga dili na kinahanglan pa og sertipikasyon gikan sa DILG aron pormal nga makabalik si Martinez. (BANAT NEWS)
- Latest
