Alegria mapasigarbuhon sa ilang organic products
CEBU, Philippines - Mga organic products giparada sa Heritage Park sa Lungsod sa Alegri atol sa gipahigayong 1st Organic Congress niadtong Miyerkules.
Si Mayor Verna Magallon nagkanayon nga nagplano siya nga makabaton og regular nga organic produce aron makasuplay sila sa nagsaka nga panginahanglanon sa mga organic nga produkto dili lang sa probinsiya apan sa tibuok nasud.
Nasayran nga ang lokal nga kagamhanan sa Alegria gipasidunggan sa Gawad Saka Award sa Department of Agriculture (DA-7) tungod sa ilang contribution alang sa realization sa vision sa DA alang sa food-secured and food self-sufficient nation. Gawas sa mga untreated food products, ang maong congress nag-showcase usab sa mga lokal nga furniture products ug souvenir items nga gama sa kawayan. Ang mga estudyante sa elementarya sa lungsod ang nigama sa maong mga souvenir items.
Ang Agriculture Training Center uban sa St. Peter Academy of Alegria Foundation Incorportated, Compostela Farmers Association, Valencia Inghoy Farmers Association, Guadalupe Farmers Association, Mag-uumang Lumolupyo sa Montpelier ug Lipantohanong Hugpong sa Kalambuan, nitabang sa maong trade fair. (BANAT NEWS)
- Latest