3 lalaki sinalvage sa Quezon City
MANILA, Philippines – Hinihinalang biktima ng summary execution ang natagpuang bangkay ng tatlong lalaki na itinapon sa kalye kahapon ng umaga sa Quezon City.
Walang nakuha na anumang identification cards sa mga biktima na inilarawan na pawang nasa pagitan ng 25-hanggang 45 angyos; isa sa kanila ay may tattoo na imahe ng krus sa kaliwang braso at sulat na Blind Fold sa likuran.
Ang bangkay ng mga biktima ay nadiskubre dakong alas-5:00 ng umaga sa kahabaan ng Champaca St., Maligaya Park Subdivision, Brgy. Pasong Putik.
Sa salaysay ng isang residente sa pulis na bago nadiskubre ang mga bangkay ay nakarinig ito ng paghinto ng sasakyan sa labas ng kanyang bahay dakong alas-2:30 ng madaling araw kasunod ang sunod-sunod na pagkahol ng mga aso at kinaumagahan ng nasabing oras ay natagpuan ang mga bangkay.
Ang mga biktima ay pinatay sa pamamagitan nang pagsakal sa leeg batay sa nakitang mga bakas.
- Latest