Puno gihapon

Lunes sayo ko nga nibangon aron moadto sa dakbayan aron ang grado sa mga estudyante matahan. Apan sa minibus nga gisakyan pwerteng punoa ug nagdasok sa hilabihan. Pun-an pa nga ang tubo nga gikuptan naibot. Sa pagnaug na daghan sa mga tawo ang nahimong nagdali ug gumikan sa pagdali nahimo na hinuong dugay ang pagkanaug nila. Sa kinabuhi usahay kita magdasok, magdali ug maglumba. Nga tungod niini daghan sa mga tawo ang nahimong haguka ug dugay diha sa panaw walay tumong tungod kay wala man mapalandongi ang kahimtang ingon man ang dagan sa kinabuhi. Mahinungdanon ang paghunong aron himuong makita ang bili sa pahuway ug dili lang kay pahuway, usa pa gyud  ka maampoong pahuway.