Mamasapano case muling buksan-DU30
MANILA, Philippines - Pabubuksan muli ni Pangulong Rodrigo Duterte ang imbestigasyon sa madugong Mamasapano massacre na ikinasawi ng 44 miyembro ng PNP-Special Action Force (SAF) noong Enero 25, 2015.
Ito ang sinabi ni Pangulong Duterte sa kanyang mensahe sa Philippine-China trade and investment forum sa great hall of the people upang malaman kung sino ang nakakuha ng $5 milyong reward sa pagkakapatay sa international terrorist na si Zulfiri Abdhir alyas Marwan na napatay ng SAF.
“Forty-four Mamasapano soldiers, they went inside, they died. No dramatics, no nothing. No...Except that we grieve for our soldiers. Maybe in this --- in the days ahead, I will order the opening of that issue again. Not really to prosecute people but just to know what happened? Who got the five million,” wika pa ni Pangulong Duterte.
“Whether the tip of the finger of Marwan, was gotten by the Special Forces of United States or was it really brought to the forensic division diyan sa Camp Crame,” dagdag pa ng Pangulo.
May duda din si Pangulong Duterte na kasinungalinan ang ibang impormasyon hinggil sa pagkamatay ni Marwan.
“These are the lies that are imposed upon the people which is not good. Let us go for the truth. Let it out. Never mind about corruption. Too late in the day,” giit pa ni Duterte.
- Latest
