Maayos na pagtabi ng extension cord

Minsan, problema natin ang lokasyon ng mga saksakan lalo na kung mag-aayos tayo at magri-rearrange ng mga kasangkapan. Kadalasang solusyon dito ang extension cords. Pero minsan ang mga pakalat-kalat na extension cords ay nakakadisgrasya lalo na kung malayo ang kailangan nitong paggamitan.

Narito ang ilang tips para hindi maging sagabal ang mga extension cords. Maaari itong padaanin sa kanto ng dingding at i-secure gamit ang gun tucker kung may pagkakabitang kahoy. Maaari rin itong itago sa ilalim ng carpet kung hindi n’yo gustong butasan ang mga dingding. ‘Pag itatago naman ang mga extension cords ay gumamit lamang ng maliit na timba at puluputin ito paikot para magkasya. Malinis na itong tingnan siguradong hindi pa ito makadidisgrasya.

Ito po ang inyong Kumpunerong Kuya na nagsasabing, kung gusto ay maraming paraan!