Tungod sa FB, mga marijuana natoltolan
CEBU, Philippines - Niabot sa kapin 4,000 ka dagkung punoan sa marijuana ang naibot sa mga sakop sa Regional Public Safety Battalion sa Sitio Agutayan, Lawaan, bukirang bahin sa Dakbayan sa Danao, pasado alas 4 sa nakalabay nga kadlawon.
Si Chief Insp. Joeson Parallag, team leader sa RPSB-7, nagkanayon nga ilang nahibaw-an ang lugar pinaagi sa Facebook. Sumala pa ni Parallag nga duna pay gipadala nga mapa ang impormante hinungdan nga ila kining gisubay.
Sa lugar nakita sa mga polis ang daghang tanum sa marijuana nga nikantidad og P880,000.
Matud ni Parallag nga kaniadto ang Lungsod sa Badian ug Balamban lang ang ilang sagad makuhaan og daghang tanum sa marijuana ug kini ang labing una nga ingon ka daghan nga marijuana sa Danao.
Walay nadakpan nga tawo atol sa operasyon. (BANAT NEWS)
- Latest
