Sikyu nanglugos og boardmate
CEBU, Philippines - Mag-atubang og kasong rape ang usa ka security guard nga nipahimulos sa iyang boardmate niadtong nilabay nga hapon sa Villa Mangga, Bulacao, Dakbayan sa Sugbo.
Ang biktima nga 22-anyos nitumbok sa 28-anyos nga suspek nga niamong-among kaniya.
Matud ni Police Officer 3 Fatima Nuñeza, women’s investigator sa Pardo Police Station, nga samtang naligo ang babaye nanuktok ang suspek apan nilakaw dihang giablihan.
Human sa pagkaligo, nisulod sa kwarto ang babaye ug didto nanuktok na sab ang lalaki ug dihang giablihan, giduot sa suspek ang pultahan, nisulod ug didto nahitabo ang pagpanamastamas.
Ang biktima nagsaulog sa ilang anniversary sa iyang kapuyo sa adlaw sa hitabo. (BANAT NEWS)
- Latest