Pugante nga nagduwa og karera sikop

CEBU, Philippines - Nasikop sa kapolisan ang pugante nga nagduwa og karera sa Sitio Bihonan, Brgy. Cansojong, dakbayan sa Talisay niadtong Martes sa hapon.

Giila ang dinakpan nga si Genaro Magpuyo lumad nga taga Lungsod sa Tuburan.

Matud ni PO3 Junyl Ater, desk officer sa Talisay City Police Station nga adunay nanawag sa ilang buhatan bahin sa ilegal nga kalihukan sa dapit.

Niresponde niini ang iyang mga kauban nga silang PO1 Joseph Bejer ug PO1 Maverick Polotan ug ilang naatlan si Magpuyo nga nagduwa og karera.

Namay-ungan sa duha ka polis ang dinakpan kinsa napriso na kaniadto sa Tuburan kun diin sila nadestino lakip na si Ater.

Adunay kasong pagpamaligya og illegal drugs niadtong tuig 2012 si Magpuyo ug naka-ikyas. (BANAT NEWS)