Nagmahay, nangayo’g pasaylo, naghikog
CEBU, Philippines - Patay na nga napalgan samtang nagbitay sulod sa kwarto ang usa ka lalaki nga naghigot og pisi sa Purok Uno, Barangay Buaya Dakbayan sa Lapu-Lapu kagahapon sa buntag.
Ang lalaki nailhan nga si Juvy Generaula, 30-anyos, tricycle driver ug lumad nga taga Lungsod sa Pinamungajan.
Ang bayaw ug silingan ni Generaula nga si Crispulo Cañete ang ni-report sa kapolisan alas 9 sa buntag.
Matud ni Police Officer 2 Dan Gacoscosim, imbestigador sa Lapu-Lapu City Police Office-Homicide Section, nga gikan nag-inom si Generaula sa niaging Domingo sa gabii ug nag-maoy kay giingong gibiyaan sa kapuyo nga si Juana Ugbinada.
Matud ni Gacoscosim nga niadto si Ugbinada sa nahisgutang lungsod tungod kay gitambagan kini sa inahan ni Generaula nga mouli tungod sa wala nila pagsinabtanay apil na ang pagdagmal sa ilang anak.
Usa ka mensahe pinaagi sa cellphone ang gibilin ni Generaula alang unta sa iyang kapuyo nga nagpadayag og pagmahay ug nangayo og pasaylo. (BANAT NEWS)
- Latest