Davide uyon sa patong sa ‘ninja cops’

CEBU, Philippines - Uyon si Gobernador Hilario Davide III nga patungan og daku nga kantidad ang ulo sa mga gitawag nga “ninja cops” o mga polis nga protektor sa sindikato sa drugas.

Matud ni Davide nga angay nga silutan ang mga polis nga molapas sa balaud sanglit imbis maoy manalipod sa mga tawo, mao na hinoon ang nagpasiugda sa ilegal nga kalihukan.

Si Presidente Rodrigo Duterte nipahibawo nga mohatag siya og P2 milyones nga patong sa ulo sa mga makatudlo ug makadakop sa mga polis nga nalambigit sa sindikato.

Subay kini sa padayong kampanya sa administrasyong Duterte sa pagguba sa sindikato sa ilegal nga drugas sa nasud. (BANAT NEWS)