Tañon Strait protektaran sa 17 ka LGUs
CEBU, Philippines - Nagtigum kagahapon ang mga lider sa 17 ka coastal cities ug municipalities sa tulo ka probinsiya ug ang Tañon Strait Protected Seascape diin naggama sila og kasabutan alang sa conservation organization nga Rare Philippines.
Tumong niini ang pagpauswag sa ilang mga municipal fisheries ug pagpalig-on sa Marine Protected Areas (MPAs) aron maka-recover gikan sa over fishing.
Ang Tañon Strait Protected Area usa ka official local partner sa Rare sa pag-implementar sa Marine Key Biodiversity Area (MKBA) project.
Usa kini ka 5-year project sa Department of Environment and Natural Resources (DENR)-Biodiversity Management Bureau (BMB) nga gisuportahan sa United Nations Development Programme (UNDP) ug Global Environment Facility.
Mipresenta sa MOA signing ang kalungsuran sa Alegria, Aloguinsan, Badian, Bantayan, Ginatilan, Moalboal, Samboan, Santa Fe, San Remegio ug Santander sa probinsiya sa Sugbo. Samtang sa Negros Oriental gilangkuban kini sa Amlan, Bais City, Guihulngan City, La Libertad ug San Jose. Sa Negros Occidental gilangkuban sa mga lungsod sa Calatrava ug Toboso.
Gisaad sa tulo ka probinsiya nga anaa sa Tañon Strait nga mohatag og suporta sa mga implementing LGUs. Ang Rare Philippines milusad sab sa Fish Forever Flex (F3), usa ka alternative model nga mo-deliver sa Rare’s Fish Forever global strategy alang sa sustainable fisheries management.
Ang F3 suportado sa New York-based Bloomberg Philanthropies pinaagi sa Vibrant Oceans Initiative (VOI).
Pinaagi niini ang 17 ka LGUs mahatagan og technical assistance ug capacity building aron makab-ot ang epektibo ug sustainable protected area ug fisheries management. (BANAT NEWS)
- Latest
