Pagpaminus sa plastic waste giduso

CEBU, Philippines - Giawhag sa Hunta Probinsiyal sa Sugbo ang mga mayor sa probinsiya pinaagi sa ilang konseho sa paghan-ay og programa sa pagpaminus sa plastik nga basura.

Ang tipik sa giduso nga resolusyon ni Bokal Miguel Antonio Magpale nagkanayon nga ang plastic waste naila na kini nga land pollutant ug makahatag og daku nga problema.

Gitumbok ni Magpale ang nalatid sa Local Government Code nga nagmando sa mga lokal nga kagamhanan sa pagpatuman og ordinansa ug programa alang sa kaayuhan sa tanan.

Dugang niini nga ang mga problema nga makabalda sa paglambo kinahanglang pangitaan og paagi aron masulbad.

Ang tipik sa Solid Waste Management Act nagkanayon nga katungod sa estado nga mogama og systematic, comprehensive and ecological waste management program diin dunay guidelines nga tumanon sama sa source reduction and waste minimization measures nga gilangkuban sa composting, recycling, re-use, recovery ug green charcoal process.  (BANAT NEWS)