2 ka klase sa tambal di ipatumar

CEBU, Philippines - Ang hunta probinsiyal mipahimangno sa publiko nga dili mogamit sa paracetamol caffeine and aspirins power kon “A Ka Fen San” ug natural vitamin E kon “Aswan” soft capsule kay ang maong mga produkto wala marehistro sa Food and Drug Administration (FDA) ug posibleng makadaot kini sa panglawas.

Si Bokal Miguel Antonio Magpale nagkanayon nga ang FDA mihatag og advisory ngadto sa tanang health care professionals ug sa publiko nga magmabinantayon ug dili mogamit sa nahisgutang mga produkto.

Giingong ang maong mga tambal makahatag kini og piligro sa mga konsumedor ug sa importation.

Kalapasan sa Akta Republika No. 9711 kon “Food and Drug Administration Act of 2009” ang pagtanyag ug pagbaligya sa maong mga produkto.

Giawhag ang publiko sa pagpalit og mga medisina ngadto sa FDA licensed establishments aron malikayan ang kadaot sa panglawas.

Ang FDA mipagawas sa ilang advisory batok sa nahisgutang mga produkto niadtong Agosto 4, 2016.  (BANAT NEWS)