Gihatagan og bugas

CEBU, Philippines - Nakadawat og tulo ka kilong bugas sa kagamhanan sa lalawigan sa Sugbo ang 2,500 ka mga senior citizens sa  lungsod sa Badian.

Nahimong benefeciaries ang mga katigulangan sa 17 ka mga barangay sa Calangcang, Sulsugan, Matutinao, Lambug, Bato, Balhaan,  Manduyong, Banhigan, Alawijao, Poblacion ug Malhiao.

Si Bise Gobernador Agnes Magpale mismo maoy nangunay sa pag-apod-apod sa maong bugas subay sa Halad Alang kang Lolo ug Lola nga programa sa Kapitolyo.

Nahimong mensahe ni Magpale sa maong kalihukan mao nga ang Kapitolyo walay gipili sa paghatag og hinabang. Ang tanang nag-edad og 60 anyos pataas makadawat og gasa gikan sa Kapitolyo.  (BANAT NEWS)