Palahubog ipahipos

CEBU, Philippines - Aron wala nay mag-inom sa mga pampublikong lugar ug mahipos kadtong maghubog-hubog ug  mangita’g away, nagplano si Cebu City Councilor Dave Tumulak nga i-amendar ang Drunkenness Ordinance sa siyudad nga napasar niadtong tuig 2002.

Gikonsiderar ni Tumulak subay sa maong laraw mao ang reklamo sa mga asawa nga matud pa sugoon sila sa ilang mga banang hubog sa pagpangutang ngadto sa tindahan og ilimnong makahubog. Gumikan niini, daghang magtiayong mag-away nga matunong panahon sa kagabhion.

Base sa Command Control Center sagad sa mga alarma nga ilang natala may kalabutan sa kahubog nga makakita’g away, dad-on sa Cebu City Medical Center (CCMC) aron i-liquor test dayon prisohon apan makagawas dayon kun makabayad na sa administrative fine nga P500.

Tinguha ni Tumulak nga padak-an ang penalty ngadto sa P2 mil ug kun mapasakaan og kaso sa korte mobayad og P5 mil ug  inay 3 ka buwan nga pagkabilanggo himoon kining 6 ka buwan. Usa sa tumong niini mao ang pagdisiplina sa mga mag-inom sa pampublikong lugar aron dili makakita og kasamok kun mahubog.

Gawas nga malipay ang mga asawa niini, makatabang sab kini sa kabatan-onan ilabi na sa mga babaye aron dili masugamak sa early pregnancy.  (BANAT NEWS)