Tumulak mag- independente
CEBU, Philippines - Nibiya na si Konsehal Dave Tumulak sa iyang partido sa Team Rama samtang walay plano nga motapon sa Bando Osmeña Pundok Kauswagan (BOPK) ni Mayor Tomas Osmeña.
Si Tumulak dili na usab mouban sa grupo nga mohural sa Partido Demokratiko Pilipino-Lakas ng Bayan (PDP-Laban) karong Sabado.
Nag-unang rason mao ang dili pagdawat sa konsehal sa mga nahitabong extra-judicial killings.
Gipahibawo na usab ni Tumulak ang Team Rama ug BOPK nga dili na siya magpapili sunod eleksiyon.
Gikonsiderar sa konsehal ang sentimento sa katawhan nga matud pa nagdaghan ang pamolitika sa siyudad inay mohatag og serbisyo sa mga tawo nga maoy nagbutang kanila sa katungdanan.
Alang ni Tumulak panahon na aron hunungon ang pamolitika ug tutukan ang paghatag og serbisyo sa katawhan.
Ang lakang ni Tumulak nakapasurprisa sa iyang kaubanan sa Team Rama, matud ni Konsehal Jose Daluz III.
“Estoryahan ni sa grupo kung kinsay moduol ni Dave about this kay it should be a party decision,” matud ni Daluz. (BANAT NEWS)
- Latest
